FITUR
18 Xaneiro 2022
“Río Miño: un destino navegábel” presentado na Feira Internacional de Turismo de Madrid (FITUR)

A presentación terá lugar mañá mércores, a primeira hora da tarde, no stand de Galicia. No que participan as dúas Eurocidades, Monção-Salvaterra e Valença-Tui, o proxecto “Río Miño: un destino navegábel” presentarase mañá mércores, 19 de xaneiro, ás 15.00 horas, na Feira Internacional de Turismo de Madrid (FITUR), no stand de Galicia.

Tendo como socios ao Turismo do Porto e Norte de Portugal, a Axencia de Turismo de Galicia e a Dirección Xeral de Patrimonio Natural da Xunta de Galicia, o “Río Miño: un destino navegábel” forma parte do programa INTERREG V-A España – Portugal (POCTEP), co financiamento do Fondo Europeo de Desenvolvemento Rexional (FEDER). O proxecto redundará na posta en marcha dun conxunto de medidas e actividades centradas no atractivo e sostibilidade do río Miño, como Destino Turístico Transfronteirizo. Entre estas, a Ruta Fluvial do Río Miño, presentada o pasado 17 de decembro, no embarcadoiro de Salvaterra de Miño.

A Feira Internacional de Turismo de Madrid (FITUR) é a maior feira de turismo do mercado español e unha das máis importantes do mundo. Este ano, a 42ª edición, desenvólvese entre os días 19 e 23 de xaneiro, abrindo o circuíto internacional de eventos relacionados co sector turístico.
 

NOVAS SIMILARES

23 Decembro 2022

O Concello de Monção recibe o vindeiro 28 de decembro unha iniciativa cultural e turística no marco do proxecto “Río Miño: un destino navegable”, en colaboración con Turismo Porto e Norte. O…

29 Novembro 2022

Os socios do mesmo amosaron o seu interese en poder darlle continuidade a esta iniciativa.

A ruta fluvial do río Miño da que entre febreiro e outubro gozaron 5.400 persoas foi unha das…

11 Novembro 2022

As actuacións desenvólvense nas Eurocidades de Valença-Tui e Monção-Salvaterra de Miño. As inscricións están abertas, cada unha limitada a un máximo de 20 participantes

Dentro do proxecto…