Casa Rural y Bodega María Bargiela
Casa de pedra que data do século XVIII. A planta baixa está dedicada á adega da Denominación de Orixe Rías Baixas onde se conservan dúas antigas prensas de pedra. Rodeada de viñedos, a nosa casa rural é ideal para descansar e gozar dos bos viños da zona. O entorno conta con restaurantes próximos con boa gastronomía da comarca.
ADEGA ‘MARIA BARGIELA’
A nosa adega é de pedra e está situada coa sabedoría dos nosos devanceiros, buscando a orientación e frescura adecuada para os seus viños, gardando no seu interior unha fermosa adega do século XVIII. Sen romper coa tradición, non esquecemos os novos avances tecnolóxicos, elaborando o noso viño a unha temperatura controlada de 18ºC e estabilizando en frío antes de ser embotellado.
HISTORIA DA ADEGA ‘MARÍA BARGIELA’
O noso viño sábese baixo a marca 'María Bargiela' en homenaxe á avoa materna da propietaria da adega. Era unha persoa que emanaba paz co seu traballo, sinxeleza e alegría de vivir tempos difíciles de emigración, soidade e sacrificio.
A etiqueta da botella é unha reprodución da casa onde se atopa a adega. Anexos a el cumprían a súa función outras edificacións: tear, forno de pan, cortes, cuarto de leña, alboyo e casa de ferramentas. A isto súmase unha fonte de augas cristalinas á que se accede baixando unhas longas escaleiras. Un hórreo e un lavadoiro embelecen o entorno da nosa adega.
A VIÑA
Na parroquia de Porto, terra de sonado prestixio na comarca do Condado, temos a nosa plantación e adega. O viñedo está situado nun terreo de ladeira orientado ao sur. Os solos areosos son óptimos para o cultivo de vides. Temos unha plantación de 2 hectáreas de vinífera autóctona de alta calidade:
Albariño (90%).
Treixadura (8%).
Loureira (2%).
O VIÑO
O noso viño, con personalidade propia, elaborado con cariño e coidado, é un maridaxe no que predomina a nobre variedade Albariño (90%), enriquecida con aromas e sabores das variedades Treixadura e Loureira. É un fermoso viño amarelo palla. En nariz é franco e elegante con aromas primarios de froitas e flores. En boca é saboroso, alegre, longo e persistente. A nosa produción é moi limitada, sendo comercializada directamente en restaurantes e a particulares.