Hoxe presentáronse as tres primeiras rutas fluviais que permitirán navegar polo Miño e descubrir o patrimonio natural, cultural e etnográfico de Salvaterra de Miño, Tui, Valença e Monção. As rutas enmárcanse no proxecto europeo "Río Miño: un destino navegábel" financiado con fondos FEDER pelo Programa POCTEP. Os concellos da Raia reactivan a súa oferta turística con rutas fluviais gratuítas que permitirán gozar e descubrir un dos seus tesouros máis importantes: o río Miño e o territorio transfronteirizo entre Galicia e o norte de Portugal.
O embarcadoiro de Salvaterra de Miño acolleu esta mañá a presentación destas rutas guiadas, enmarcadas no proxecto europeo "Río Miño: un destino navegábel" financiado con fondos FEDER pelo Programa POCTEP, que dará a coñecer o rico patrimonio natural, cultural e etnográfico dos catro concellos que conforman este proxecto: Salvaterra de Miño, Tui, Valença e Monção.
No acto de presentación asistiron o vicepresidente da Xunta e titular de Turismo, Alfonso Rueda, a alcaldesa de Salvaterra, Marta Valcárcel, o alcalde de Tui, Enrique Cabaleiro, e os presidentes das Cámaras de Monção e Valença, ademais de José Pereira, coordinador do proxecto.
O vicepresidente da Xunta, Alfonso Rueda, destacou "a importancia deste proxecto para este territorio", e o valor que aporta ao Camiño de Santiago, xa que a Eurocidade Tui-Valença transcorre pola estrada portuguesa. Rueda tamén salientou a “cooperación exemplar entre Galicia e o norte de Portugal para mellorar a calidade de vida na zona transfronteiriza”. “Trátase dun proxecto piloto e pioneiro na Península Ibérica, que pretende poñer en valor todo o potencial turístico do Val do Miño e crear as condicións idóneas para converter o río nun destino navegable de referencia”, explicou o coordinador do proxecto, Jose Pereira. Coa posta en marcha destas rutas fluviais póñense as bases para atraer no futuro novos touroperadores e, ao mesmo tempo, diversificar a economía local da poboación raian. “Este territorio non ten nada que envexar a outros destinos turísticos navegábeis”, destacou Pereira, “Ademais da riqueza gastronómica, histórico-cultural, natural e termal, ten algo que moitos deles non teñen, a multiculturalidade asociada a dous países ligados pelo río Miño.
Pola súa banda, a alcaldesa de Salvaterra, Marta Valcárcel, lembrou que esta iniciativa naceu do anterior alcalde, Arturo Grandal, “un alcalde, unha persoa, que sempre pensou en grande e quixo crecer da man dunha das maiores riquezas que temos, o Padre Miño, comezando a deseñar o futuro de Salvaterra e do territorio transfronteirizo a través deste proxecto, un proxecto ambicioso que moitos víamos imposible”. O concelleiro rematou destacando que "Río Miño: un destino navegábel" é “algo máis que un proxecto sobre o papel, é un paso adiante para o noso futuro, para o noso turismo e para o noso territorio”.
O acto de presentación, realizado pola presentadora Cristina Maró, incluíu a proxección do vídeo de promoción do proxecto e ao remate, os asistentes puideron gozar de diversas rutas no barco.
As embarcacións cruzarán o Miño este Nadal. Dende este Nadal e ata o próximo verán podedes gozar destas rutas fluviais. Trátase de excursións turísticas de día completo na zona transfronteiriza formada por Salvaterra de Miño, Monção, Tui e Valença nas que os participantes coñecerán a zona da man dun guía turístico. As tres primeiras rutas que funcionarán en Nadal centraranse nas visitas aos cascos históricos e fortalezas das dúas Eurocidades: unha ruta longa que une as dúas e dúas rutas curtas (unha en cada unha delas).
Estes percorridos, duns 15 km, estarán suxeitos á profundidade do río no momento da viaxe -que se pode atopar a través da APP “Calados Río Miño” - e se non é posible a súa navegación, o servizo será ofrecido por aterrar en autobús. Os interesados poden anotarse na Central de Reservas do tour-operador Hemisferios de xeito gratuíto e están limitados a 15 persoas por grupo. Cabe destacar que ademais das visitas guiadas de día completo, as saídas están previstas ás 16:00 horas (hora española) todas as fins de semana, festivos, períodos vacacionais e tempada alta de xeito habitual. Nestas saídas, que terán unha duración aproximada dunha hora, os interesados poderán apuntarse directamente no quiosco instalado no embarcadoiro.
