Igrexa parroquial de Monção

Paseando polas encantadoras rúas de Monção, atopamos a Igrexa Matriz, templo románico, do século XIII, tamén coñecida como Igrexa de Santa Maria dos Anjos. Descubra as capelas que, ao longo dos séculos, se lle foron engadindo, dando como resultado un conxunto pouco harmónico, pero esteticamente moi rico. No século XVI engadíuselle a Capela de São Sebastião, onde destaca o sepulcro de Dom Vasco Marinho –secretario e confesor do papa León X–, interesante exemplo de capela sepulcral manuelina, que data de 1521.

No século XVII engadiuse outra capela, cunha tumba dedicada a Deu-La-Deu Martins, un personaxe lendario que tería burlado ás tropas de Castela. No século XVIII, novas obras deron como resultado a reestruturación doutra capela, onde, hoxe en día, podemos contemplar a imaxe do Sagrado Corazón de Xesús. Todas as alteracións e engadidos aos que foi sometida transformaron esta igrexa nun conxunto arquitectónicamente pouco cohesionado. Porén, a súa riqueza arquitectónica e grandeza xustifican a visita.